Benvidos e benvidas á UDC!

O equipo do CITEEC participou esta mañá na Xornada de Benvida UDC, “Ola UDC”, celebrada no estadio universitario Mariña Dourada, para dar a benvida ao novo estudantado da Universidade da Coruña.

Durante esta xornada, diferentes centros e asociacións da UDC presentaron os seus servizos, actividades e capacidades, achegando ao novo estudantado as oportunidades que ofrece a Universidade.

O CITEEC estivo presente coas súas maquetas do mini-CITEEC, unha proposta coa que mostramos de forma divulgativa parte do traballo que desenvolve o noso persoal investigador. A través delas, achegamos ao estudantado como a investigación e a innovación en enxeñaría civil, edificación e outras áreas contribúen a dar resposta aos retos da sociedade e a mellorar a vida das persoas.

A participación nesta xornada permitiu ao CITEEC achegar a súa actividade investigadora ás novas xeracións de estudantes e mostrarlles as posibilidades que ofrecen a investigación e a innovación dentro da Universidade da Coruña.

 

Ver esta publicación en Instagram

 

Una publicación compartida de CITEEC (@citeec_udc)