Laboratorio de Psicoloxía Social das Transicións cara á Sustentabilidade

• Na actualidade desenvolve unha área de especialización sobre os aspectos sociais da transición enerxética e o seu impacto social en Europa, a través da Coordinación do Consorcio Europeo ENTRANCES patrocinado polo programa Horizon-2020 durante o período 2020-2023, e o impacto do cambio climático sobre a saúde humana, a través da participación no Consorcio Europeo TRIGGER, patrocinado polo programa Horizon-Europe durante o período 2022-2027.

• Durante os últimos quince anos, o Laboratorio coordinou e participou en numerosos proxectos de investigación nacionais e europeos, incluídos os programas financiados pola Unión Europea: FP7, Horizon-2020 e Horizon-Europe.

• Os seus membros teñen unha experiencia consolidada en métodos de investigación cualitativos e cuantitativos, así como en metodoloxías de desenvolvemento de escenarios participativos e escenarios retrospectivos.

• No Laboratorio combinouse tamén a investigación aplicada co ensino e a formación de organizacións e lexisladores para incorporar principios de sustentabilidade nas organizacións.

• Os investigadores son membros activos da International Association for People-Environment Studies – IAPS e da International Association of Applied Psychology.

Baixo o patrocinio da Unión Europea a través dos programas FP7 e Horizon-2020 ou Horizon-Europe, de investigación e innovación, desenvolvéronse no Laboratorio de Psicoloxía Social, como Coordinadores do consorcio, os seguintes proxectos:

• Proxecto LOCAW “Reduciendo Emisiones en el Trabajo” (2011-2013);
• Proxecto GLAMURS “Estilos de vida sostenibles e Economía verde” (2014-2016); e
• Proxecto ENTRANCES sobre transición cara a enerxías limpas (2020-2023), actualmente en fase de implementación de resultados e produción de publicacións.

Participouse, tamén baixo o patrocinio do Programa Marco Europeo 7PM, Horizon-2020 e Horizon-Europe, como socios dos seus respectivos consorcios europeos, nos proxectos seguintes:

• Proxecto TRIGGER sobre solucións para reducir as ameazas climáticas á saúde do Programa Horizon-Europe de I+D da Unión Europea; (2022-2027, actualmente en realización).
• Proxecto TRANSIT “Teoría da Innovación Social Transformativa” para a análise do apoderamento e desapoderamento comunitario na acción e innovación social (2014-2017).
• Proxecto CONNECTING NATURE “Coproducción con Naturaleza para el análisis de transiciones, innovación y gobernanza en las ciudades” (2017-2022); e
• Proxecto SMARTEES “Modelado de innovación social para la realización de transiciones hacia la eficiencia energética y la sostenibilidad” (2018-2022).