Benvidos ao CITEEC

Sobre esta base, defínese en 2017 un primeiro proxecto para articular aos grupos máis vinculados ao centro, definir unha primeira axenda de investigación conxunta e sentar as bases dun proceso de desenvolvemento institucional, todo iso coa visión a medio prazo de chegar a ser un centro de investigación de excelencia do Sistema Universitario de Galicia. Pola súa calidade e potencial, lógrase o recoñecemento da Xunta de Galicia como Agrupación Estratéxica de Investigación, obtendo financiación basada para o período 2018-2020.

Finalizada esta etapa, apostouse por continuar cara á consolidación como centro de investigación da UDC, obtendo finalmente o recoñecemento como centro de excelencia colaborativo na convocatoria Centros de investigación do Sistema Universitario de Galicia do 2023 (CIGUS 2023). Sobre a base deste equipo científico, e dotado cunhas infraestruturas tecnolóxicas ao nivel das dos centros máis avanzados da UE, os obxectivos do CITEEC diríxense a avanzar na consecución dun posicionamento científico referencial, como alicerce fundamental para mellorar a competitividade dos sectores estratéxicos vinculados á enxeñaría civil e a edificación sostible de Galicia, España e Europa, logrando un impacto social, ambiental e económico.

O Centro de Innovación Tecnolóxica en Edificación e Enxeñaría Civil (CITEEC) é un centro de investigación da Universidade da Coruña (UDC) especializado na I+D+i nos múltiples ámbitos e sectores comprendidos dentro da enxeñaría civil e a edificación. A súa finalidade é mellorar e intensificar a investigación e transferencia de coñecemento nos devanditos sectores desde unha perspectiva sostible e innovadora, baseándose na análise experimental complementado cun sólido apoio da análise numérica, e seguindo as prioridades da Estratexia RIS3, da Estratexia Española de Ciencia e Tecnoloxía 2021-2027, da Estratexia Europea Horizonte Europa 2021-2027, e dos Obxectivos de Desenvolvemento Sostible (ODS, Axenda 2030).