Alberto Fernández Sánchez

Licenciado en Bioloxía (2005) e Graduado en Ciencia e Enxeñería de Datos (2024) pola Universidade da Coruña. Actualmente realiza o seu doutoramento no Programa Oficial de Doutoramento en Tecnoloxías da Información e as Comunicacións, centrado no desenvolvemento dun modelo bioinspirado de adestramento para algoritmos de aprendizaxe automática.

Desde decembro de 2024 traballa como técnico superior en equipos informáticos e electrónicos no Centro de Innovación Tecnolóxica en Edificación e Enxeñería Civil (CITEEC). No ámbito da intelixencia artificial, colaborou como investigador na Cátedra Inditex de Algoritmos Verdes da Fundación CITIC, desenvolvendo solucións máis eficientes e sostibles.

Participou en proxectos como o desenvolvemento de aplicacións web para Aoire (2022) e interveu en congresos especializados, destacando polo seu premio en XOVETIC 2023 ao traballo máis relevante con aplicación industrial polo uso de redes neurais na predición de caudal en presas hidráulicas.

Con experiencia previa como administrador e socio de ARA Solutions durante 14 anos, liderou proxectos tecnolóxicos e estratéxicos para o sector privado. En 2025 presentou en IWANN a proposta de tese From Biological Neurons to Artificial Neural Networks: A Bioinspired Training Alternative.