Viviana Barneche Naya

Doutora arquitecta. Profesora Contratada Doutora, integrante do Grupo de Visualización Avanzada e Cartografía da Universidade da Coruña. As súas liñas de investigación están vinculadas á análise e exploración do potencial das tecnoloxías emerxentes dos gráficos en tempo real para a súa aplicación en diferentes ámbitos do coñecemento. Entre eles inclúense a visualización interactiva e inmersiva aplicada á arquitectura e enxeñaría, a reconstrución arqueolóxica e patrimonial, a museística, as interfaces naturais e a experiencia de usuario (UX) en contornos 3D.
Galardoada co Architectural 3D Award 2011 polo seu traballo na reconstrución virtual da Catedral de Santiago de Compostela.