Virginia Mato Abad

Docente e coordinadora da Mención en Enxeñería do Software no Grao en Enxeñería Informática da Universidade da Coruña. Dirixe a Cátedra ALDABA-WIB, unha cátedra interuniversitaria entre a Universidade da Coruña e a Universidade de Vigo, que ten como un dos seus principais obxectivos promover iniciativas que contribúan a dar visibilidade ás mulleres no mundo das TIC, impulsando vocacións tecnolóxicas e rompendo estereotipos de xénero para que nenas e nenos poidan decidir o seu futuro profesional con información veraz e obxectiva.

A súa investigación en Enxeñería Informática céntrase no desenvolvemento de modelos e procedementos informáticos para a análise e procesamiento de imaxes médicas, así como na adaptación de técnicas de Aprendizaxe automática (ML) para aplicar os resultados obtidos cos devanditos procedementos.

Entre os seus méritos destacan a coautoría de 21 artigos indexados no Journal Citation Reports e a participación en 23 proxectos de investigación de I+D+i financiados en convocatorias competitivas internacionais, nacionais e autonómicas.