Luis Fuentes García

Licenciado en Matemáticas pola USC (Premio Extraordinario de Licenciatura 1998). Realicei os estudos de Doutoramento no Departamento de Álxebra da Facultade de Matemáticas da USC, que culminou coa lectura da Tese Doutoral en 2002 dirixida polo Profesor Manuel Pedreira e que obtivo Sobresaliente Cum Laude. Desde 2007 son Profesor Contratado Doutor na Universidade da Coruña.

Publiquei 31 artigos en revistas internacionais, relacionados coas miñas dúas liñas fundamentais de investigación:

– Xeometría Algebraica. Continuei os estudos sobre Superficies Regradas que comecei na miña Tese doutoral. Ademais investigo sobre sistemas lineais en superficies algebraicas, constantes de Seshadri e variedades algebraicas.

– Análise e probabilidade aplicada a economía e ciencias sociais. En 2008 o profesor Martín Egozcue (Doutor en Economía pola Universidade da República, Uruguai) contactou comigo para traballar con el como experto en Matemáticas, en aplicacións da probabilidade e a análise a economía e outras ciencias sociais. A colaboración foi frutífera e publicamos numerosos traballos nestes campos.