Juan Ramón Rabuñal Dopico

Profesor de Universidade desde o ano 2000, Profesor Contratado Doutor desde 2006, profesor Titular de Universidade desde o ano 2010 e Catedrático de Universidade desde 2018. En 2002 obtén o título de Doutor en Informática e en 2008 o de Doutor Enxeñeiro de Camiños, Canles e Portos pola Universidade da Coruña e o premio extraordinario de Doutoramento. Desde o ano 2000 centrou a súa investigación na Intelixencia artificial, concretamente nas técnicas de Redes de Neuronas Artificiais e da Computación Evolutiva. Desde o 2006 aplicou estas técnicas a diferentes ámbitos da Enxeñería Civil (Construción, Hidráulica, Hidroloxía e Portos e Costas) e a instrumentación (sensórica e automatismos). Nestas liñas de investigación participou como membro do equipo investigador en máis de 70 proxectos financiados a nivel europeo, nacional e rexional (máis de 8 M), participou en máis de 65 convenios e contratos con empresas e institucións (3 M) e é coautor en máis de 100 publicacións científicas. Desde 2006 ata 2023 foi Coordinador e Director do CITEEC, e desde 2024 ata a actualidade ocupa o Cargo de Director Técnico.