José Sande González-Cela

É investigador no CITEEC desde o ano 2011 traballando nos laboratorios da dársena multidireccional e a canle de ondada, ademais, forma parte do Grupo de Enxeñería da auga e do Medio Ambiente (GEAMA). A súa principal liña de investigación céntrase na optimización de estruturas portuarias e costeiras mediante ensaios en modelo físico, así como campañas de campo. Os parámetros que se estudan e analizan son, a estabilidade dos mantos de protección e das pezas, a estabilidade das transicións nos diques, os fenómenos de interacción onda-infraestrutura, a axitación portuaria e para rematar o comportamento estrutural e hidrodinámico de estruturas singulares. Participou en máis de 10 proxectos competitivos e 49 convenios de I+D+i, sendo investigador principal en máis da metade. Ten 28 documentos científicos indexados en SCOPUS e un índice h de 8. Desde o 2014 compaxina a investigación coa docencia en hidráulica e a dirección de teses doutorais. O seu obxectivo é impulsar a investigación aplicada, promover a sustentabilidade e mellorar a eficiencia das infraestruturas portuarias mediante a colaboración coa academia, a industria e as administracións.