Javier Eiras López

Doutor en Enxeñería Civil (Dr. Enxeñeiro de Camiños, Canles e Portos) pola Universidade da Coruña

Desenvolve o seu labor docente na ETSI de Camiños da UDC, con docencia centrada principalmente en Materiais de Construción. Forma parte do Grupo de Construción da Escola de Enxeñería de Camiños da Coruña como investigador desde 2004.

O labor investigador que desenvolveu céntrase na tecnoloxía de materiais de construción, dentro da cal destacan as seguintes liñas:

· Tecnología del hormigón.

· Propiedades en estado fresco e endurecido de pastas e morteiros de cemento.

· Técnicas de reciclaxe de materiais.

Participou en 18 proxectos de investigación competitivos, en tres dos cales como investigador principal. Así mesmo, colaborou en varios proxectos diferentes, incluíndo traballos de transferencia de investigación con empresas privadas. Conta con dous sexenios de investigación e un de transferencia recoñecidos. É coautor de 14 artigos en revistas científicas e de máis de 20 comunicacións a congresos nacionais e internacionais.

En canto á súa carreira como docente, comeza a impartir clases como profesor axudante no ano 2006 na área de enxeñería da construción, onde actualmente continua como profesor titular de universidade. Participou no programa Erasmus+ STA, o que lle permitiu impartir docencia en dúas universidades europeas.