Alfredo del Caño Gochi

Doutor Enxeñeiro Industrial. Enxeñeiro colexiado. Catedrático de Enxeñaría da Construción na Universidade da Coruña. Materias: dirección de proxectos; deseño e construción de plantas industriais. Conta con experiencia como enxeñeiro de proxectos, director de proxectos, consultor e Director de Operacións no sector da construción, en proxectos, construción e dirección de proxectos de complexos industriais, zonas comerciais, edificios de oficinas e residenciais, e actuacións urbanísticas.
Intereses en investigación: avaliación e optimización da sustentabilidade nos sectores da construción e da enerxía; dirección de proxectos; xestión do obxectivo de sustentabilidade en proxectos; xestión da incerteza e do risco en proxectos.